Hoi Allemoal,
ich bin Prinses Claudine Thewissen . Gebore en getoge in Mergroate. Ig bin 52 joar en de mieste kinne
mig al van wie ig klein woar. Ig bin de dochter van Piet en Tiny Frissen van oet de Margrietstroat.
Same mit Egied, oe ig al 3X 11 joar same mit bin en 27 joar getrouwd, hubbe veer 2 sjoen jongens.
Sjuul 20 joar en Joep 19 joar.
Es hobby doan ig geare wandelen en bie Harmonie Concordia zuuste mig oag veul.
Momenteel wirk ig al un diek joar in Gulpen in ut bejaardehoes “Klein Gulpen”, in ut restaurant en
dat bevilt mig hiel erg good.
Es klein meadje zag ig altied al tegen mien mam;”MAM, IG WIL OACH PRINSES ZEEN”, oe mien mam
dan op antwoordde;”DOEG DAT MER LATER ES TE GROET BIS”.
In 2000 moeg ig prinses zeen van de Spaarclub ’t Flaterke
In 2020 moeg ig “stage loape” saame mit Astrid bie de dameszitting……..dat 3 joar laank!!
En noe… wie ig eindelijk groet genoeg bin moa gig saame mit Astrid, Prinses zeen van CV De Rieste!
Unne druim kuump oet en ig wit zeker dat veer gunt geneete. Saame mit miene maan en kinder,
familie, mien vreun , alle carnavalsverenigingen en Same mit euch.
Alaaf Prinses Claudine d’n ierste.
Nog ein prinses van de Rieste,
Moog ich mich veurstjelle,
Astrid Sipers-Severens, 60 joar jonk, getrouwd mit Sjef Sipers
en same trotse ouwersj van ozze zoon Jerôme.
Veer wone aan de Riekswaeg i Mergroate.
Ut levenslicht gezeen i Mindergangelt i Duitsland en groot
gebracht door mien ouwersj i Sjilvend, same mit miene broor.
Onger de luuj, gezelligheid, op stap mit de kirmis en de
Carnaval is mich mit de paplepel ingegoten, woare altied van
de partie in ut durrep.
Ich hub de opleiding tot verpleegkundige afgerond en gewerkt
tot de geboorte van ozze zoon Jerôme.
En zo wie gezag en gesrjeve: jonk gelierd…..is oud gedoan…….
Noa de kirmis, genete van de Carnaval mit natuurlijk de sjool-optocht van Maurice Rose,
de mama ’s gingen ooch gezellig mit en zo zeen Claudine en ich in dees Carnavals-leefde blieve
hangen en beleven nog veul lol en plezeer mit dees daag en zeker de optocht i Mergroate.
De Dameszitting bie dur Flater, Prinses moge were…….dur
wunsj woar bevestigd………..Es veer toch ‘ns same Prinses moge were……..
‘t Blood kruupt woe ’t neet goan kint en same mit oos
echtgenoten de daad bie ut woord gevoegd, ’t belke opgegoeid en os besjluit genomme…………
Eine dreum kump noe oet, same mit Claudine, Prinsessen van
de Rieste zeen, Carnaval vieren in ein andere setting, mer mit
dezelfde overtuiging, gezelligheid, lol, plezeer, flinke dosis humor en veural SAMEN genete.
Dat dit eine sjoone Carnaval moog were vuur JEDEREIN.
Alaaf, Prinses Astrid
Duo Penotti op de troon!
Jawel biste Rieste-vrung, ’t is zoewiet!
Dit joar höbbe veer twie prinsesse die same ’t Jeugd Rieste Land regere.
Maak plaatsj, liek de confetti mer klaor… hie kómme ze!
Veer zeen de nisjekes Zoë Bertrand en Fem Lousberg,
of veur wea ós al ként weure veer och waal Duo Penotti geneumd (dat heat sjeinbaar get te maeke
mit os hoare)
Afgeloape weekend höbbe veer ós sjieke zitting gehad en gunt veer volle gaas de vastelaovend in.
Mer veer sjtelle os iersjt nog effe veur:
Ich bin Zoë Bertrand – der witte varriant van ’t duo.
Ich bin 11 joar en woon op de Prinses Amalialaan saame mit miene pap Bas, mien mam Rianne en
mien breurke Wout.
Ich handbal mit ’n hoap energie en bie Rewind dans ich saame mit Fem en ós gezellich
vriendinneclubje.
En ich bin Fem Lousberg – dur broene varriant dus!
Gekroond op de zitting mit 11 joar, mer nét pas 12 joar gewoare. Ich woon op de Rieksweeg met
miene pap Micha, mien mam Chantal, miene groete broor Luca en mien zusje Mila.
Ich turn bie Juventa, ich dans bij Rewind en goan hiel gear de paerd van de buurvrouw knoevele en
verzurge.
Dit carnavalsseizoen zunt veer de heerseresse van ’t Jeugd Rieste Land!
Veer höbbe der zin in, vur gaon laache, danse, sjunkele en veurral veul plezier maake!
Alaaf, alaaf, alaaf!
Zoë & Fem
Prinsessen van ’t Jeugd Rieste Land 2026
