Proclamatie Prins Sven en Prins Yur
Jeugdprinsenpaar 2023
Ten ierste (Yur)
Veer zunt der super trots op dat veer es neafkes en es biste vrung dit joar als Preense samen euver het Riesteland moage regere!
Ten twiede (Sven)
Veer wille de preens van veurig joar, Prins Finn, bedanke veur het gezellig carnavalsseizoen van afgeloape joar.
Ten derde (Yur)
Ozze voetbalvrung van de JO12-1 zulle os misjien enkele zoaterdige in januari en februari motte misse. Sorry hieveur, mer veer weite dat dat oach zonder os goot geit komme.
Ten vierde (Sven)
Edere vriedig gunt ver samen noa de scouting… Inne van ozze leiders is lid van de groete road van 11 van de Rieste!
Danilo, dich geis os nog vaker tege komme dizze carnaval!
Ten viefde (Yur)
Veer zeen bliej dat ozze familie en vrun hie der bie zeen vandaag. Um dit moment same mit os te kinne viere.
Ten zisde (Sven)
Bie de carnavalsgroepen die dit joar mit os papa’s en mama’s mit loape, melde ver os aaf! Veer zunt der neet bie. Hopelijk loap dur kort bie os, zoedat ver extra veul sjnoep kinne oet goeie!
Ten zevende (Yur)
Sorry aan al ozze vrung (jonges oet ozze klas) dat ver de afgeloape weke neet altied ierlijk zunt geweas… ver zunt bliej dat ver neet mie hoave te zjwiege en noe same kinne feeste!
Ten achtste (Sven)
Veer wille Margriet bedanke veur ut make van os sjoen pekskes…
Oach alvas bedankt aan de Rieste die os geholpe hubbe bie de veurbereidingen.
Het woar hiel sjpannend en lang wachten!
Ten neugende (Yur)
Bie de sjutterie bin ich al un bietsje gewend um veurop te loape. Dit goan Sven en ich nog same doon in de polonaise. Ver neudige edereen oet om achter os aan te komme!
Ten tiende (Sven)
Same mit os familie, vrung, de kleine en groete Rieste en Nachdravers gunt veer dur eine geweldige carnaval van make! Ver zouwe het geweldig vinde es ederein mit os mit deit!
Ten elfde (Sven en Yur)
Veer wunsche ederein in Mergraote unne gezellige carnaval!
Jeugdrieste Alaaf, Rieste Alaaf, Carnaval in Mergroate Alaaf!!
