Ten ierschte: (Gerard)

Bin ich trots dat de Rieste mich oetgekoze hubbe om es Prins, samen mit mien Prinses Monique, veur te moage goon mit de carnaval 2012.

Ten twiede: (Gerard)

Ich bin dan eigenlik unne Brakkelère van Ikkelder mer veul mich noe,noa 20 jaor in Mergraote te woene, toch wel unne echte Rieste.

Ten derde: (Gerard)

Wille veer ut preensepaar 2011 Michiel en Esther en ut jeugdpreensepaar Sem en Myrthe bedanke veur hunne inzat in ut afgelope carnavalsjoar.

Ten veerde: (Monique)

Wil veer Claudia, mien zuster, hiel erg bedaanke veur heure schjteun bie alle voorbereidingen de afgeloape maonden. Veer hope dich Claudia, in dizze carnavalstied, hiel diks aan ons ziej te hubbe same mit diene maan Patrick en os twie petekinder Lars en Bjorn.

Ten viefde: (Gerard)

Hope veer dat os vrung os kinne vergeve, dat veer dit geheim zo lang veur hun hubbe verzweege.

Ten zisde: (Monique)

Vraog veer os 2 zonen Kevin en Jordy om samen mit os vrun, familie, kinnese en luuj van Mergraote weer te zurrege veur unne hiele sjoene optocht door os Riesteland.

Ten zevende: (Gerard)

Goon ich same mit mien prinses Monique, d'r Road van Illef en hun vrouwluuj mien bitste bein veur zitte veur ut laote slage van un geweldige finale van ut LVK dat op 3 fibruwari zal plaatsch vinde in de veilinghal.

Ten achste: (Monique)

Beneume veer ut kantoer van Euregio HabetsRoyen aan de Hoondersjtraot nummer 2 tot twiede prinsentempel.

Ten neugende: (Gerard)

Vraog ich mien compagnons: Ger, Raymond en Patrick : wil deer mich de komende tied bie schjtoon in mien werk en misschjien af en toe uns ein afspraak euvernème ?

Ten tiende: (Monique)

Hope veer dat al os vrung mit de carnaval an os ziej schjtoon zoedat veer dizze geweldig sjoene tied same mit hun kinne beleeve.

Ten illufde: (Gerard)

Wille veer os noe an uch presentere es Prinsepaar van de Rieste 2012 !

Rieste ALAAF ! Mergraote ALAAF ! Limburg ALAAF